Drita ka fituar me rezultat të ngushtë 2:1 ndaj ekipit të Prishtinës, në derbin e xhiros së 21-të të ligës elitare.
Ndërsa Prishtina ka shënuar humbjen e tretë radhazi në Superligë.
Bardhekaltërit avancuan të parët me Jalen Aleix Blesan, i cili shënoi në pjesën e parë pas një depërtimi të bukur.
Por, ekipi i Ismet Munishit nuk ia doli ta ruante këtë epërsi në ndeshjen e zhvilluar në Lipjan.
Besnik Krasniqi (43’) nga penalltia fillimisht barazoi rezultatin, ndërsa Blend Baftiu (48’) ia siguroi fitoren Dritës. Golin për Prishtinën në këtë ndeshje e shënoi amerikani, Jalen Blesa në minutën e 34-të.
Me këtë fitore, Drita barazohet me Ballkanin në krye të tabelës me 44 pikë, por ekipi nga Suhareka ka një ndeshje më pak të zhvilluar. Ndërkohë, Prishtina mbetet e katërta me 27 pikë.