Këngëtarja me famë botërore nga Kosova, Dua Lipa, ka mbërritur në Prishtinë për festivalin e e shumë pritur Sunny Hill.
Para festivalit, dhe paraqitjes së saj, Dua Lipa ka vizituar klinikën estetike Ré Swiss Clinic.
Vizita e Dua Lipës në këtë klinikë është bërë e ditur nga vetë stafi i klinikës përmes rrjeteve sociale, ku është ndarë edhe një fotografi dhe falënderime për besimin e artistes ndërkombëtare.
“Sot patëm një mysafir shumë të veçantë. Faleminderit që na besuat”, thuhet në postimin e klinikës.
Koncerti i saj në Sunny Hill pritet të mbahet këtë fundjavë, dhe është një nga ngjarjet më të mëdha muzikore që mbahet në Kosovë këtë vit.