Policia e Kosovës ka njoftuar se në raportin 24-orësh është regjistruar një rast i kanosjes ndaj personit zyrtar në qytetin e Pejës.
Sipas njoftimit, ngjarja ka ndodhur në rrugën “Mulla Zekë Berdyna” rreth orës 02:30 të mëngjesit të 7 nëntorit 2025, ku dy persona të dyshuar, nën ndikimin e alkoolit, nuk kanë respektuar urdhrat e zyrtarëve policorë gjatë kryerjes së detyrës.
Të dy të dyshuarit janë arrestuar në vendngjarje, ndërsa me vendim të prokurorit, pas këndelljes, ata do të paraqiten në stacionin policor për intervistim në procedurë të rregullt.