Policia e Kosovës ka bërë të ditur se ka shoqëruar për intervistim dy persona të dyshuar për përfshirje në një rast të sulmit seksual në Viti.
Ngjarja dyshohet të ketë ndodhur ndaj viktimave vajza, ndërsa të dyshuarit janë shtetas kosovarë.
Sipas raportit të Policisë, me urdhër të prokurorit njëri nga të dyshuarit është dërguar në mbajtje, ndërsa rasti po hetohet nga njësitë relevante policore.
“Viti / 23.06.2025 – 13:00. Janë shoqëruar për intervistim dy persona meshkuj kosovarë, për shkak të dyshimit se kanë kryer veprën e lartcekur ndaj viktimave femra kosovare. Me urdhër të prokurorit një person është dërguar në mbajtje, ndërsa rasti po trajtohet nga ekipet relevante”, thuhet në raportin e PK-së.