Policia e Kosovës ka nisur hetimet për dy raste të vdekjeve të dyshuara, që janë raportuar gjatë 24 orëve të fundit në Prishtinë dhe Zveçan.
Sipas raportit ditor të Policisë, në Prishtinë, në rrugën “Harun Aliu”, është gjetur i vdekur një burrë.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion, në mënyrë që të përcaktohet shkaku i saktë i vdekjes.
Një rast tjetër është regjistruar në fshatin Korilë të Zveçanit, ku një burrë është gjetur pa shenja jete në shtëpinë e tij.
Në vendin e ngjarjes kanë dalë njësitet policore dhe ekipi mjekësor, të cilët kanë konstatuar vdekjen e viktimës. Edhe në këtë rast, me vendim të prokurorit, trupi është dërguar për obduksion dhe hetimet kanë nisur.