Një person ka ndërruar jetë në Malishevë, i cili dyshohet të jetë qëlluar me armë zjarri.
Lajmin për Portalin Dukagjini e ka konfirmuar zëdhënësi i policisë për rajonin e Gjakovës, Sheremet Elezaj, i cili ka thënë se policia është në kërkim të të dyshuarve.
“Atë që mund t’ju konfirmoj në këto momente është se sot rreth orës 13:30 kemi pranuar informatë se një person mashkull i moshës madhore është dërguar në QKMF Malishevë, dyshohet të jetë qëlluar me armë zjarri. Personeli mjekësor atje ka konstatuar vdekja e tij. Në këto momente jemi në kërkim të të dyshuarit/ve”, ka thënë ai.
Sipas tij, njësitet e nevojshme policore i janë përgjigjur rastit, si dhe është njoftuar prokurori i shtetit në konsultim, me të cilin janë duke u ndërmarrë të gjitha veprimet e nevojshme hetimore.