E mbijetuara e dhunës seksuale e cila po vazhdon historinë e saj në ‘Debat Plus” ka treguar se njëri nga dhunuesit, ishte fytyrë e njohur për të.
Në “Debat Plus” të TV Dukagjini, ajo ia bëri të ditur edhe emrin.
“Zoran Vukotiq! Po ai ka qenë inspektor i tregut. Na në atë kohë kemi pas shitore, kemi pas butik, në ****** edhe ai vinte aty, vinte na kërcënonte, u dashke me i dhanë pare për kërëcënimet ma herët. Na i merrke 200 marka, 300 marka… është i njëjti, se edhe fliste shqip.”, ka treguar e mbijetuara.
E pyetur nëse është interesuar se ku gjendet Vukotiq sot, ajo thotë se po pret të dijë nga organet.
“Tash unë kam dhanë dëshmi në EULEX. EUEX-i shko qashtu, tash e kanë kalu atë landë te Prokuroria e Kosovës, ata janë tash duke i ba hulumtimet. Në 2012 është kap e ka pas nejt 6 muaj në burg, për shkak të mungesës së Gjykatave ai është liru. 6 muaj ka pas nejt në burg në 2012, e ka zënë EULEX-i por s’kish Gjykatë ku me u mbajt gjykimi edhe u liru. Në pritje të drejtësisë jam veç…”, ka treguar ajo.
E mbijetuara tregon se ka pasur mbështetje të vazhdueshme nga burri i saj.