As zëvendëskryeministri në detyrë Besnik Bislimi nuk u përgjigj nëse i kanë numrat për krijimin e Qeverisë.
Pyetjen e Agjencisë së Lajmeve Ekonomia Online, Bislimi e kaloi në heshtje.
Ndryshe, Deputetët e Lëvizjes Vetëvendosje kanë nisur që të hyjnë në sallën plenare të Kuvendit të Kosovës, në prag të nisjes së konstituimit të Kuvendit.
Kjo parti, që ka fituar zgjedhjet, duhet të propozojë kryetarin e ri të Kuvendit, për të cilin i duhen 61 vota. Ende nuk dihet se kush do të jetë kandidati i këtij subjekti për këtë post.
Ndërsa, Deputetja e zgjedhur e Kuvendit të Kosovës nga komuniteti boshnjak, Duda Bale, ka konfirmuar për mediat se ka marrë ofertë nga Lëvizja Vetëvendosje për të qenë pjesë e kabinetit të ardhshëm qeveritar.
Bale, kryetare e Unionit Socialdemokrat e bëri këtë konfirmim pak kohë para nisjes së seancës konstituive të Kuvendit.
Edhe, deputetët e Listës Serbe kanë hyrë në sallën plenare, për seancën konstituive të Kuvendit të Kosovës.
Kjo parti, që ka mbështetjen e Beogradit, ka fituar nëntë nga dhjetë vendet e rezervuara për komunitetin serb.