Pronari i Twitter dhe Tesla, Elon Musk, edhe një herë është shpallur njeriu më i pasur në botë dhe kjo falë rritjes së vlerës së aksioneve të Tesla-s. Pasuria e Musk ka arritur në 24 orët e fundit në 187 miliardë dollarë, pasuri neto. Që prej janarit të këtij viti, pasuria e miliarderit është rritur me 50.1 miliardë dollarë, sipas Indeksit të miliarderëve të Bloomberg.
CEO i Teslas u rrëzua nga vendi i parë nga Bernard Arnault, CEO i markës luksoze franceze LVMH (LVMHF), në dhjetor të vitit të kaluar, duke e bërë Musk numrin 2 në listë për më shumë se dy muaj.
Megjithatë, që nga e hëna, Bloomberg raporton se një rritje në aksionet e Teslas e ka ngritur Musk përsëri në krye të Indeksit të Miliarderëve në kohë reale, shkruan CNN, transmeton Klankosova.tv.
Pasuria neto e Musk ishte rreth 187.1 miliardë dollarë që nga e hëna pas mbylljes së tregjeve, sipas Bloomberg, duke kaluar pasurinë prej 185.3 miliardë dollarësh të Arnault.