Ministri i Bujqësisë, Faton Peci dhe ministrja e Punëve të Jashtme, Donika Gërvalla, janë zgjedhur kryetarë të përbashkët të Partisë Guxo. Të pranishëm në këtë zgjedhje kanë qenë rreth 400 delegatë.
Pro këtij vendi që ta bashkëudhëheqin Partinë Guxo kanë votuar 373 delegatë, ndërsa 23 kanë votuar kundër dhe 3 kanë abstenuar.
Të dy kryetarët do të kenë kompetenca të barabarta, ndërsa zgjedhjen e dy kryetarëve e ka mundësuar statuti i ri i këtij subjekti politik, i cili është miratuar para se të votohet për kryetar.
Partia Guxo kishte mbetur pa udhëheqës që nga 4 prilli i vitit 2021, kur themeluesja e kësaj partie, Vjosa Osmani, u zgjodh si presidente e Republikës së Kosovës.