Kandidati i Lidhjes Demokratike të Kosovës për kryetar të Istogut, Ilir Ferati, ka zhvilluar një takim me disa nga banorët e lagjeve në fshatin Banjë.
Në një postim në rrjete sociale, Ferati ka theksuar se përkrahja për LDK-në dhe për vizionin e tij për “Istogun e të gjithëve” po vazhdon.
“Takuam disa nga banorët e lagjeve në Banjë! Përkrahja e tyre për LDK-në dhe për rrugëtimin tonë vazhdon – për programin tonë për Istogun e të gjithëve. Faleminderit nga zemra për mbështetjen e vazhdueshme ✌🏻!” – ka shkruar Ferati.
Ai ka theksuar se mbështetja qytetare mbetet motivi kryesor për të vazhduar me energji rrugëtimin drejt zgjedhjeve të 12 tetorit, me synimin për një qeverisje gjithëpërfshirëse dhe zhvillimore për komunën e Istogut.