Kryetari i Istogut dhe kandidati i LDK-së për një mandat të ri, Ilir Ferati, ka zhvilluar një vizitë te dy biznese familjare të suksesshme në komunë.
Ai është pritur nga Ibish dhe Emir Hasanaj, babë e bir, të cilët udhëheqin një biznes të specializuar në përpunimin e drurit, si dhe nga Abedin Haxhiaj, i njohur për prodhimin e dyerve dhe dritareve.
Ferati tha se me ta ka biseduar për sfidat dhe mundësitë që përballen bizneset familjare, si dhe për planin e komunës për mbështetjen e tyre në të ardhmen.
“Përzemërsisht i falënderova për mikpritjen dhe përkrahjen e tyre të vazhdueshme”, ka shkruar Ferati në Facebook.