Ministri i Kulturës, Rinisë dhe Sportit, Hajrullah Çeku, ka njoftuar se kanë filluar dy programe për kompleksin e Kullave të Isë Boletinit në Boletin të komunës së Zveçanit.
“Kompleksi i Kullave të Isë Boletinit në Boletin të Komunës së Zveçanit po trajtohet me kujdesin që e meriton”, ka shkruar Çeku.
Ministri ka bërë të ditur se këto programe përbëjnë kurimin profesional të ekspozitës së përhershme muzeore dhe funksionalizimin e tij përmes menaxhimit e aktiviteteve të rregullta.
“Kemi nisur dy programe për këtë kompleks të rëndësisë monumentale për popullin shqiptar, kurimi profesional i ekspozitës së përhershme muzeore dhe funksionalizimi i tij përmes menaxhimit e aktiviteteve të rregullta”, ka shkruar ai.