Është e vetmja Qendër e Mjekësisë Familjare në fshatin Dyz të Podujevës.
Gjendet në pjesën e njohur si “Lagjja e Rrmokëve”, mu përballë Xhamisë së fshatit e në mes shtëpive të banuara.
Megjithatë, edhe kjo është mbyllur tash e disa vite.
E kjo banorëve të këtij fshati, ua ka vështirësuar jetën.
”Është ambullantë moderne, qe 4-5 vjet. Katundari e ka lëshu prej gëzimi po s punon tadh ajo hiç. Është shumë zor se veturë s’kam, me thirr naj kojshi nashta s qëllon këtu duhet me ia ba diqysh me thirr taksi kaniherë paret s’po janë, që s janë paret duhet me lanë larg”, ka thënë Avdush Bajgora – Banor i fshatit Dyz.
Për të marrë shërbime, ai thotë se i duhet të drejtohet në fshatra të tjerë.
”Po duhet me shku o në Batllavë o Lluzan. As bus nuk ka, e kemi pas tash jo, 4-5km duhet me shku te autobusi. Shumë problem është. E thërras dikë..me shku këmbë si me qu pacienten”, ka thënë Avdush Bajgora – Banor i fshatit Dyz.
Bajgora thotë se për këtë veprim, iu dha një arsyetim.
”Arsyetimi është se gjoja s’ka popullatë. Kjo në fakt është e vërtet. Por po të kishte qenë ndryshimi, në këto kushte, asnjë se kish lëshu. As spo i thom me më maru shtëpi, po qeto t’voglat, autobusa, minibus”, ka thënë Avdush Bajgora – Banor i fshatit Dyz.
Televizioni ka pyetur Komunën e Podujevës lidhur me arsyen dhe nëse ka rritur numrin e shërbimeve shtëpiake, por e njëjta, nuk ka kthyer përgjigje.