Forca e Sigurisë së Kosovës (FSK) dhe Policia e Kosovës kanë zhvilluar një trajnim të përbashkët, si pjesë e bashkëpunimit ndërinstitucional në funksion të forcimit të sigurisë dhe stabilitetit në vend.
Trajnimi, i quajtur “Taktikat me Njësi të Vogla”, është zhvilluar nga instruktorët e FSK-së dhe ka përfshirë pjesëmarrjen e 40 pjesëtarëve të Policisë së Kosovës.
“Në kuadër të bashkëpunimit ndërinstitucional, Forca e Sigurisë së Kosovës ka realizuar trajnimin Taktikat me Njësi të Vogla ( TTNJV), që është realizuar nga instruktorët e FSK-së dhe me pjesëmarrjen e 40 pjesëtarëve të Policisë së Kosovës.
Gjatë këtij trajnimi intensiv dhe sfidues, pjesëmarrësit janë trajnuar dhe përgatitur me shkathtësi profesionale në fushën e këmbësorisë, si në aspektin teorik, ashtu edhe praktik.
Bashkëpunimi ndërmjet Forcës së Sigurisë së Kosovës dhe Policisë së Kosovës forcon kapacitetet ndërinstitucionale në funksion të sigurisë dhe stabilitetit të vendit”, thuhet në njoftim.