Në Komandën e Doktrinës dhe Stërvitjes në kuadër të Forcës së Sigurisë së Kosovës është realizuar “Kursi i Avancuar për Lider”.
Kështu ka bërë të ditur vet FSK me anë të një njoftimi në llogarinë e saj në “Facebook”.
Nga FSK kanë deklaruar se qëllimi mbetet zhvillimi i njohurive dhe ngritja e aftësive profesionale të pjesëtarëve të FSK-së, në funksion të udhëheqjes në nivel togu.
“Trajnimi ka përfshirë module teorike dhe praktike, të strukturuara sipas standardeve të FSK-së për zhvillimin e liderëve ushtarakë. Ky kurs kontribuon drejtpërdrejt në rritjen e kapaciteteve udhëheqëse, forcimin e zinxhirit komandues dhe përmirësimin e gatishmërisë operacionale, në përputhje me standardet e FSK.”, ka shkruar Forca e Sigurisë së Kosovës.
Ndër të tjera, FSK ka deklaruar se procesi paraqet një fazë të rëndësishme në rrugëtimin profesional të pjesëtarëve të FSK-së.