Exit Poll-i i realizuar nga UBO Consulting dhe prezantuar ekskluzivisht në emisionin Debat Plus në TV Dukagjini, ka publikuar rezultatet për Asamblenë Komunale të Prishtinës, duke treguar një garë të ngushtë mes tri partive më të mëdha, por me një epërsi të lehtë të Lidhjes Demokratike të Kosovës (LDK).
Sipas të dhënave të Exit Poll-it, LDK prin me 31.7 për qind të votave, duke u ndjekur nga Lëvizja Vetëvendosje (LVV) me 24.5 për qind dhe Partia Demokratike e Kosovës (PDK) me 24.1 për qind.
Pas tyre renditet Aleanca për Ardhmërinë e Kosovës (AAK) me 6.5 për qind, ndërsa Lidhja e Prishtinës ka marrë 6.1 për qind.
Partia Guxo dhe Partia Socialdemokrate (PSD) kanë marrë nga 2.1 për qind, ndërsa Nisma Socialdemokrate është vlerësuar me 1.2 për qind.