Dardan Gashi ka thënë se Kosova nuk ka pse të merret me temën e demarkacionit përderisa ka probleme të tjera për t’u shqetësuar.
I ftuar në Debat Plus, analisti Gashi, ka thënë se duhet pasur kujdes në mënyrën sesi trajtohet tema e demarkacionit duke qenë se sipas tij kemi të bëjmë me një ndër shtetet pjesëtare të NATO-s.
“Këtë që Kurti po e bën, po e bën vetëm për tema opinionesh”, ka thënë Gashi.
Ndërsa sipas ish-kreut të komisionit për demarkacion, njëkohësisht edhe kryetarit të komunës së Podujevës, Shpejtim Bulliqit, deklarata e Abazoviq, Kryeministrit të Malit të zi, ka qenë e pritur.
“Procesi ndodhet në fazën ku veçse është përmbyll”, ka thënë ai, gjersa ka shtuar se gjatë kohës kur ishte në krye të komisionit, ai i kishte dorëzuar qeverisë një raport voluminoz prej 800 faqesh që dokumentonin vijën kufitare.
Për këtë çështje ka folur edhe Shefi i Grupit Parlamentar të AAK-së, Besnik Tahiri.
“Ky prej pikës së shtatë e ka kthyer dialogun në pikën një. Ky i ndërron fjalët sikurse frynë era. Ne nuk e kemi lëshu bajrakun…”, ka thënë ai, gjersa është shprehur se partia e tij AAK i ka rënë pishman se pse në vitin 2015 kanë bashkëpunuar me kryeministrin e tanishëm Albin Kurti.
Mbi çështjen e demarkacionit, Kryeministri i Malit të Zi, Dritan Abazoviq, kishte thënë se kjo çështje në mes të Kosovës dhe Malit të Zi, ka marrë fund me nënshkrimin e marrëveshjes në vitin 2017.