Situata gjatë zhvillimeve të fundit në veri po ndryshon nga momenti në moment.
Gazetarja e RTV Dukagjini, Vlora Selimi është penguar gjatë raportimit të saj nga një protestuese serbe në komunën e Leposaviqit.
Protestuesit serbë nuk po lejojnë mediat që të afrohen dhe të marrin pamje afër objektit komunal në Leposaviq.
Aty po vazhdojnë fyerjet, ofendimet e protestuesve serbë drejtuar KFOR-it, policisë dhe mediave.
Brenda objektit komunal po vazhdon të qëndrojë ende kryetari i kësaj komune, Lulzim Hetemi.
Aktualisht gjendja është e qetë por që kohë pas kohë ka edhe bisedime mes përfaqësuesve serbë në këtë protestë dhe KFOR-it.
Tensionet në veri u rritën qysh më 26 maj, kur Policia e Kosovës asistoi kryetarët e rinj shqiptarë të zgjedhur në komunat veriore, Zveçan, Zubin Potok dhe Leposaviq, për të hyrë në zyrat e tyre të punës.
Që të tre fituan këto komuna në zgjedhjet e jashtëzakonshme të prillit.