Ministrja e Punëve të Jashtme dhe Diasporës, Donika Gërvalla, ka pritur në takim kryetarin e Komunës së Strigarit, Damiano Baffa.
Gërvalla, përmes një postimi në rrjetin social “Facebook”, ka thënë se ajo dhe Baffa gjatë takimit kanë biseduar rreth përgatitjeve për ngjarjen “Ditët Arbëreshe në Kosovë”, e cila do të mbahet gjatë kësaj vere në Kosovë.
“Diskutuam për rëndësinë e ruajtjes dhe promovimit të identitetit arbëresh dhe përmirësimin e pozitës së këtij komuniteti në Itali dhe shprehëm angazhimin për të vazhduar bashkëpunimin me hapa konkretë drejt konkretizimit të bashkëpunimit mes Republikës së Kosovës dhe komunave arbëreshe në Itali në fusha të ndryshme”, ka shkruar Gërvalla.