Policia e Kosovës ka nisur hetimin për vdekjen e dy burrave në raste të ndara në Prishtinë.
Në raportin 24-orësh, në rastin e parë bëhet e ditur se një grua ka raportuar se në rrugë rreth orës 06:40 ka vërejtur një person të shtrirë.
Njësiti policor dhe ekipi mjekësor kanë dalë në vendin e ngjarjes ku nga mjeku kujdestar është konstatuar vdekja e viktimës.
“Një femër kosovare ka raportuar se në rrugë ka vërejtur në person të shtrirë. Njësiti policor dhe ekipi mjekësor kanë dalë në vendin e ngjarjes ku nga mjeku kujdestar është konstatuar vdekja e viktimës mashkull kosovar. Me vendim të prokurorit, trupi i pajetë i viktimës është dërguar në IML për Obduksion”, thuhet në raport.
Ndërsa, rasti i dytë, në ora 13:00 raportohet se në rrugë është gjetur i shtrirë po ashtu një burrë.
Në vendin e ngjarjes kanë dalë njësitet relevante policore dhe ekipi mjekësor ku është konstatuar vdekja e viktimës.
“Raportohet se në rrugë është gjetur i shtrirë viktima mashkull kosovar. Në vendin e ngjarjes kanë dalë njësitet relevante policore dhe ekipi mjekësor ku është konstatuar vdekja e viktimës. Me vendim të prokurorit, trupi i pajetë është dërguar në IML për Obduksion”, thuhet në raportin e policisë.