Një qytetar ka sulmuar kreun e Partisë Demokratike, Sali Berisha, mesditën e së martës, teksa ai ishte duke ecur në krah të Ilir Metës drejt bulevardit “Dëshmorët e Kombit”, për të marrë pjesë në protestë.
Siç shihet në videon e publikuar nga A2CNN, qytetari e ka goditur Berishën me grusht në fytyrë.
Nga kjo goditje me grusht, Berisha ka mbetur i gjakosur në fytyrë. Menjëherë, agresori u neutralizua nga truprojat e Berishës dhe mbështetësit demokratë.
“Asgjë në botë nuk na mposht ne, popullin e opozitës dhe popullin e fitores, poshtë Edi Rama, poshtë kriminelët, ne do ju rrëzojmë. Jemi këtu sot së bashku për të protestuar kundër regjimit të horrave dhe kriminelave”- është shprehur Berisha pas sulmit.