Xhudistja Distria Krasniqi e ka fituar medaljen e artë në Grand Prixin që po mbahet në Zagreb të Kroacisë.
Krasniqi ka vazhduar dominimin e plotë ndaj hungarezes Reka Pupp, për të fituar tjetër medalje të artë në garat e rëndësishme të xhudos, njofton Dukagjini.
Në finale të kategorisë deri 52 kilogramë, Krasniqi e mposhti hungarezen Pupp – kështu që ndaj saj deri tani ka dhjetë fitore e vetëm një humbje.
Kujtojmë që për xhudisten Distria Krasniqi është e arta e tetë në garat e nivelit Grand Prix. Por, e para herë që ka fituar të artën në Grand Prix të Zagrebit.
Në vitin 2016 dhe në vitin 2022 kishte fituar të argjendtë, ndërsa në vitin 2015 të bronztë.