Grafite me simbole serbe, kryqi me katër C-ja, janë shkruar në një shtëpi të pabanuar te Kroi i Vitakut, në veri të Mitrovicës.
Policia e ka iniciuar rastin si “nxitje e përçarjes dhe mosdurimit”.
Kështu raportohet në raportin 24-orësh të Policisë së Kosovës, ku theksohet se rasti është duke u hetuar nga policia.
Në vendin e ngjarjes kanë dalë njësitet përkatëse.
“Kroi i Vitakut, Mitrovicë Veri 29.02.2024 – NN. Më 01.03.2024 është vërejtur se në një shtëpi të pabanuar janë shkruar grafitë (kryqi me 4C). Në vendin e ngjarjes kanë dalë njësitet përkatëse. Rasti nën hetime”, thuhet në raport.