Kandidati i Partisë Demokratike të Kosovës (PDK) për kryetar të Drenasit, Petrit Hajdari, ka reaguar ndaj deklaratës së Ramiz Lladrovcit, i cili gjatë ditës së djeshme hapi simbolikisht zyrat e vjetra të PDK-së në qytet, duke thënë se po rikthehej në parti.
Hajdari e ka cilësuar këtë veprim si manipulim, duke thënë se ambienti në të cilin është paraqitur Lladrovci nuk është pronë e PDK-së, por e një familjari të tij.
“Nuk është “kthyer” z. Lladrovci në zyrat e PDK-së sepse zyrat e PDK-së nuk janë aty. Ai lokal është pronë private e familjarit të vet. Atë ambient ai mund ta përdor për subjektin e vet politik e nëse do mund ta inkorporojë edhe Vetëvendosjen që i ndihmoi në zgjedhje, por ato zyre veç të PDK-së nuk janë”, ka thënë Hajdari.
“Kemi qenë në proces zgjedhor, të cilin nuk e kemi fituar dhe gjithmonë e respektojmë verdiktin e qytetarit. PDK sot në Drenas është në opozitë. Kaq e thjeshtë është. Tjerat janë manipulim i pastër”, ka shtuar ai.
Hajdari e kritikoi Lladrovcin për, siç tha ai, “sjellje arrogante dhe viktimizuese”, duke i bërë thirrje që të nisë punën si kryetar dhe të mos e përdor fitoren për përplasje politike.
“Jo më vonë se të nesërmen e ditës së zgjedhjeve, si kundërkandidat e kam uruar për fitoren. Shko në zyrën e kryetarit dhe fillo punën për të cilën je votuar. Këto skena s’i kanë hije askujt, aq më pak demokracisë e edhe më pak Drenasit…