Drejtoresha e Kulturës në Komunën e Prishtinës, Sibel Halimi, ka njoftuar se në lagjen “Kodra e Trimave” është duke u ndërtuar një qendër e re kulture dhe një degë e bibliotekës.
Përmes një videoje të publikuar në rrjete sociale, Halimi tha se kjo hapësirë e re do të jetë moderne dhe do të shërbejë si një vend ku të rinjtë do të gjejnë strehë për mendimin e lirë dhe forcë për të ndërtuar botën e tyre.
“Një hapësirë moderne ku të rinjtë do të gjejnë strehën e mendimit të lirë dhe forcën për të ndërtuar botën e tyre”, është mesazhi i saj.
Ky projekt pritet të ofrojë mundësi të reja për komunitetin lokal, duke e bërë kulturën dhe librin më të qasshëm për banorët e lagjes dhe përtej saj.