Kreu i AAK-së, Ramush Haradinaj ka deklaruar se nëse emrat si Saranda Bogujevci ose Shqipe Selimi nga Lëvizja Vetëvendosje propozohen për të parën e Kuvendit, partia e tij do ta përkrah dhe do ti votojë.
Ndryshe, pak më parë kryetari i Partisë Demokratike të Kosovës, Memli Krasniqi ka thënë se “ka ndryshim të gjendjes legale” sa i përket dorëzimit të dorëheqjeve të ministrave dhe kryeministrit.
Sipas tij kërkesa dhe rekomandimi i përfaqësuesit të PDK-së është pranuar që të evidentohet saktësisht në procesverbal që të gjithë ministrat dhe bashkë me ta edhe kryeministri kanë dhënë dorëheqje
Ai ka shtuar se kjo iu ka krijuar mundësinë për të votuar raportin e Komisionit për verifikimin e mandateve.
“Kërkesa dhe rekomandimi i përfaqësuesit të PDK-së është pranuar që të evidentohet saktësisht në procesverbal që të gjithë ministrat dhe bashkë me ta edhe kryeministri kanë dhënë dorëheqje. Dhe tani ka një ndryshim të gjendjes legale, ka një ndryshim të situatës. Që besoj na ka krijuar mundësinë për të votuar raportin e Komisionit për verifikimin e mandateve”, ka deklaruar ai.