Në seancën e Kuvendit të Kosovës që është mbajtur të premtën është mbajtur dëgjimi publik për Projektligjin për Byronë Shtetërore të Verifikimit dhe Konfiskimit të Pasurisë së Pajustifikueshme. Në këtë dëgjim publik ka marrë pjesë dhe ministrja e Drejtësisë, Albulena Haxhiu.
Ministrja e Drejtësisë ka konfirmuar rëndësinë e një mekanizmi të ri për luftimin e korrupsionit dhe kthimin e pasurive të përfituara në mënyrë të kundërligjshme nga personat zyrtar ndër vite.
“Po ashtu ministrja Haxhiu i ofroj mbështetjen e plotë Kuvendit të Kosovës që përmes kapaciteteve të Ministrisë së Drejtësisë të ndihmojë në hartimin e amendamenteve të projektligjit sipas Opinionit të Komisionit të Venecias, përkatësisht rekomandimeve që dalin nga ky opinion”, thuhet në postimin e Ministrisë së Drejtësisë.
Haxhiu ndër të tjera ka shtuar se “Opinioni i Komisionit të Venecias në çështjen e Byrosë ka dhënë opsione për zgjidhje se si mund të ndryshohet ligji në të mirë të praktikës ndërkombëtare por edhe depolitizimit të Byrosë dhe fuqizimit të saj me kompetenca”.