Nënkryetarja e Kuvendit të Kosovës nga radhët e Lëvizjes Vetëvendosje, Albulena Haxhiu, ka theksuar se Kuvendi ka legjitimitetin dhe kapacitetin për të vazhduar punën e vet.
“Përveç kryetarit, kemi edhe katër nënkryetarë. Sot, nëse do të kishim pasur vetëm njërin prej tyre, do të mund të mbanim mbledhjen e Kryesisë, sepse për fillimin e saj duhen katër anëtarë,” tha Haxhiu të hënën, gjatë një deklarate për media pas dështimit të mbledhjes së Kryesisë.
Ajo ka shtuar se situata aktuale nuk është ideale dhe se do të ishte më mirë nëse deputeti nga komuniteti serb, Nenad Rashiq, do të zgjidhej nënkryetar.