Ministrja e Drejtësisë, Albulena Haxhiu, nesër do të jep dëshminë në rastin Dehari, para Prokurorisë Speciale.
Kjo u bë e ditur nga Ministria e Drejtësisë përmes një njoftimi për media, ku theksohet se pas intervistës haxhiu do të mbajë një konferencë për media.
“Për shkak të interesimit të madh të medieve, ju njoftojmë se Ministrja e Drejtësisë, Albulena Haxhiu, nesër në orën 10:00, do t’i përgjigjet ftesës për të dhënë dëshminë në raport me rastin Dehari. Pas intervistës, në ambientet e Ministrisë së Drejtësisë, Ministrja Haxhiu do të mbajë Konferencë për medie. Për orën, mediet do të njoftohen nesër”, thuhet në njoftim.
Haxhiu është ftuar për intervistim nga Prokuroria, pas deklaratave të bëra në rrjetet sociale se ekzistojnë prova që Dehari është vrarë.