Ministrja e Drejtësisë, Albulena Haxhiu e ftuar në emisionin “FIVE” në RTV Dukagjini është shprehur se duke marrë parasysh rritjen e rasteve te dhunes në familje dhe ngacmimit seksual kanë vleresuar që këto raste të bëhen me procedura të përshpejtuara.
“Uroj që së pari të kemi mbështetje nga Kuvendi”, tha Haxhiu.
Haxhiu tregoi se me këto ndryshime parashohim që gjykata kur të nxjerrë aktgjykimin dënues ndaj një personi për dhunë në familje të parasheh dënime obligative dhe t’i ndalohet punësimi në sektorin publik në të gjitha nivelet për personin që fajësohet për dhunë në familje.
“Për të gjithë personat që shpallen fajtor për vepën penale, gjykata urdhëron publikimin e aktgjykimit dhe Keshilli Gjyqësor do të mbaj një regjister i veçantë publik”, u shpreh Haxhiu.
Ministrja e Drejtesise tha se e kanë bërë si të ndarë që duhet të urdhërohet publikimi i aktgjykimit dhe të publikohet regjistri i personave, të cilët janë të qasshëm për publikun në pajtim me legjislacionin në fuqi.
Minstrja Haxhiu tha se kanë përcaktuar afate strikte për zgjatjen e një procesi gjyqësor. Mes tjerash ajo tha se proceset gjyqësore nuk do të zgjasin më shumë se një vit.