Ministrja e Drejtësisë, Albulena Haxhiu, ka bërë urimin e parë të festës së Fitër Bajramit në qytetin e Gjakovës.
Përmes një postimi në Facebook, Haxhiu ka bërë të ditur se ka vizituar gruan e hekurt, Ferdonije Qerkezin.
“Urimin e parë të Fitër Bajramit, me nanën Ferdonije!”, ka shkruar ajo.
Në natën e 27 marsit të vitit 1999, forcat serbe kishin hyrë në shtëpinë e saj dhe kishin marrë burrin e saj, Halimin, si dhe katër djemtë, Artanin, Armendin, Ardianin dhe Edmondin.
Trupat e 2 djemve të saj Artanit, djalit të madh, dhe Edmondit, djalit të vogël, janë gjetur në lokacione të ndryshme në vitin 2005 në Kosovë.
Shtëpia muze e familjes Qerkezi ka mbetur një ndër dëshmitë e krimeve serbe të kryera në Kosovë.