Kandidati i Lëvizjes Vetëvendosje për kryetar të komunës së Malishevës, Valon Hoti, ka deklaruar se nga 12 tetori është e mundur që qeverisja në këtë komunë të kalojë në duart e LVV-së.
“Në Malishevë, dikur ka qeverisur LDK, mandej PDK vazhdon te qeverisë Nisma, nga 12 tetori do të qeverisë VV-ja është e mundur dhe po e bëjmë punën në terren që kjo të realizohet më 12 tetor”, tha Hoti në Debat Plus.
Ai theksoi rëndësinë e punës në terren dhe bashkëpunimin me qytetarët.
“Puna jonë në terren takimet e përditshme me qytetar dhe zotimet tona aq të nevojshëm për Malishevë na dërgojnë te kjo çfarë po them dhe ne angazhimin unë ekipa jonë por edhe qytetarët që po na ndihmojnë do at bëjmë të mundur ky bastion të thyhet Nuk dua ata quaj bastion sepse do të sugjeroja që kur të bëni diskutim për Malishevën t’i keni edhe shifrat e trupa aktive elektorale në Malishevë”, ka theksuar ai.
Hoti gjithashtu sugjeroi që diskutimet për Malishevën të bëhen duke pasur parasysh shifrat e trupës aktive elektorale.
“Aty marrin pjesë afër 24 mijë qytetarë, ndërsa në zgjedhjet e fundit Nisma bashkë me AAK-në arritën 8 mijë e 500 vota, përfshirë mërgatën”, ka shtuar ai.