Kryeministri i Kosovës, Albin Kurti, ka deklaruar se Serbia është kërcënim për paqen në Ballkanin Perëndimor, pasi ajo po armatoset nga Kina dhe Rusia.
Në lidhje me deklaratën e tij, ka reaguar ish-kryeministri Avdullah Hoti, i cili ka thënë se politikanët qe përmendin luftën e bëjnë për të mbuluar dështimin në qeverisje.
Po ashtu, ai ka thënë se këto ‘pretendime’ në lidhje me rifillimin e një lufte në Kosovë, i bëjnë për të zhvendosur vëmendjen e opinionit nga kriza energjetike, inflaconi i lartë e pakënaqësitë sociale.
Ndërsa, ai ka deklaruar se nuk do të ketë luftë në Kosovë dhe as në rajon.
“Nuk do të ketë luftë në Kosovë dhe as në rajon”, ka deklaruar Hoti në rrjetin social Facebook.
Gjithashtu, ai ka thënë se asnjë qeveri në rajon nuk mundet nuk guxon të mendoj të nis luftë.
“Shqipëria, Mali i Zi dhe Maqedonia e Veriut janë në NATO. Ndërkaq, NATO-ja është e vendosur në Kosovë dhe Bosnjë e Hercegovinë. Serbia është e rrethuar me anëtarë të NATO-s”, ka thënë tutje ai.
Ndërkaq, sipas tij, e gjitha çfarë mund të jetë e pritshme të ndodh, është përballja e Kosovës dhe rajonit me kolaps ekonomik dhe demografik, nëse nuk zbatohen politikat e duhura, nëse nuk lëvizet më shpejt drejt integrimit evropian dhe nëse nuk zgjidhen mosmarrëveshjet ekzistuese.
A po përgatisin luftë në Kosovë, serbët dhe rusët? Kryeministri Kurti ka zbuluar detaje të frikshme