Ambasadori i Shteteve të Bashkuara të Amerikës në Prishtinë, Jeff Hovenier, ka rikujtuar të shtunën e 18 shkurtit, një ditë pas 15-vjetorit të Pavarësisë së Kosovës, datën kur Shtetet e Bashkuara të Amerikës e kanë marrë vendimin për njohjen zyrtare të Kosovës si shtet të pavarur dhe sovran.
Ai është shprehur se pas 15 vjetësh, ShBA-ja është krenare për mbështetjen që i ka dhënë Kosovës dhe e frymëzuar nga ato që ka arritur populli i Kosovës.
“Këtë ditë të vitit 2008, Shtetet e Bashkuara e njohën zyrtarisht Kosovën. 15 vjet më vonë, ne jemi krenarë për mbështetjen tonë dhe të frymëzuar nga demokracia e gjallë dhe e lulëzuar që ka arritur populli i Kosovës, ka shkruar Hovenier në llogarinë e tij në Twitter.
Ndërsa ka publikuar një fotografi ku shihet edhe ish-presidenti i Kosovës, Ibrahim Rugova.
#OnThisDay in 2008, the United States formally recognized Kosovo. 15 years later, we are proud of our support and inspired by the vibrant, flourishing democracy the people of Kosovo have achieved. pic.twitter.com/XEkGmU8su2
— Ambassador Jeff Hovenier (@USAmbKosovo) February 18, 2023