Ka përfunduar takimi në mes të ambasadorit të ShBA-së në Kovoë, Jeff Hovenier, me dy kryetarët e komunave veriore, Zubin Potokut dhe të Zvecanit.
Pas këtij takimi, Hovenier është nisur për ta takuar presidenten e Kosovës, Vjosa Osmani.
Ndryshe, kryetarët e Leposaviqit dhe Mitrovicës së Veriut nga Lëvizja Vetëvendosje nuk kanë shkuar në takimin me ambasadorin amerikan, Jeff Hovenier, ndërsa të pranishëm kanë qenë vetëm kryetarët e Partisë Demokratike të Kosovës.
Ndryshe, që nga mëngjesi, në tri komunat e veriut serbët lokalë janë duke protestuar para objekteve komunale. Për ta siguruar rendin dhe qetësinë, është duke u përkujdesur Policia e Kosovës bashkë me trupat e KFOR-it.