Ambasadori amerikan në Kosovë, Jeffrey Hovenier, është takuar në Shtabin e Përgjithshëm në kampin “Film City”, me komandantin e KFOR-it, Ozkan Ulutas, me të cilin biseduan për sigurinë në Kosovë.
Hovenier, përmes një postimi në “X”, ka vlerësuar përpjekjet e KFOR-it për të promovuar sigurinë dhe stabilitetin në Kosovë.
Ai ka përsëritur angazhimin e vendosur ndaj misionit të NATO-s.
“Jam i nderuar të takoj dje Ozkan Ulutas në kampin ‘Film City’. Përsëritëm angazhimin tonë të vendosur ndaj Misionit të NATO-s për të siguruar lirinë e lëvizjes dhe një mjedis të sigurt në Kosovë. Vlerësova përpjekjet e KFOR-it për të promovuar sigurinë dhe stabilitetin në Kosovë”, ka shkruar Hovenier në X.
Honored to meet MG Özkan Ulutaş at Camp Film City yesterday. Reiterated our firm commitment to @NATO‘s Mission to ensure freedom of movement and a safe and secure environment in Kosovo. Appreciate KFOR’s efforts to promote security and stability in Kosovo. https://t.co/WygGc5IVm0
— Ambassador Jeff Hovenier (@USAmbKosovo) October 19, 2023