Marrëveshja me Serbinë, sipas analistit politik, Dibran Hoxha, duhet të jetë në përputhje të plotë me Kushtetutën e Kosovës.
Ai në emisionin “Five”, ka thënë se nëse ekipit të kryeministrit Albin Kurti i kërkohet ta shkelë Kushtetutën, atëherë sipas tij, Kosova duhet të tërhiqet nga dialogu me Serbinë.
“Brenda draft-statutit që doli në media, është sa mundemi të qëndrojmë brenda Kushtetutës. Deklaratat e Valery tha që ky draft-statut nga ekipi është pikënisje e mirë. Nëse është pikënisje e mirë? Është pikënisje e gabuar. S’e dimë nga do të na çojë. Ekipi, kryeministri dhe të tjerët, duhet të tërhiqen nëse prapë është ‘merre ose merre’ një draft-statut tjetër, që është jashtë kushtetutës”, ka thënë ai.
Sipas Hoxhës, nëse pranohet një marrëveshje antikushtetuese, atëherë shteti i Kosovës shndërrohet në shtet joserioz.
“Ekipi dialogues, kryeministri dhe të tjerët, pranojnë të hyjnë në njëlloj procesi dhe pranojnë diçka jashtë kushtetutës, i bie që shndërrohemi në një republikë hajgare joserioze. Megjithatë, disa çështje po dërgohen në Kushtetuese, kemi bazë të mirë juridike për të garantuar funksionimin e shtetit”, ka thënë ai.
Në rast se ndodh një gjë e tillë, Hoxha ka thënë se Qeveria e Kosovës duhet të rrëzohet përmes protestave në rrugë.