Analisti Ylli Hoxha ka thënë se Albin Kurti është ‘figurë polarizuese prej ekzistencës së vet’.
Hoxha është shprehur se detyra e partive opozitare është në momentin e parë me rrëzu Kurtin sepse janë oponent politik të tij.
“Krejt ky tabor opozitar që është opozitar e që është i ndamë në së paku tri pjesë, tash edhe katër e më tutje është anti Kurti natyrshëm, sepse detyra zyrtare, detyra e opozitës është e tillë”.
Ndërsa sa i përket Richard Grenell, Hoxha ka thënë se debati duhet të jetë edhe për Kurtin por, edhe përtej Kurtit.
“…sepse në të është një problem tejet më i madh se kaq. Nëse problem i SHBA-ve në Kosovë është Kurti, është problem më i vogël që ne e kemi me Shtetet e Bashkuara të Amerikës. Besoj që zgjidhet pa nevojën e intervencës së Debat Plusit fare por brenda kryesisë së Lëvizjes Vetëvendosje sepse me gjithë atë unë e konsideroj Kurtin përkundër aspekteve të tij që e kritikoj si polarizimin e skajshëm, unë e konsideroj si qenie racionale politike. Një qenie racionale politike nuk besoj që është i interesum që ta provojë fatin në ballafaqim me këtë hez të presidentit Trump përmes emisarit të tij Grenell”, ka thënë ai.
“Nëse Kurti është pengesa e administrative amerikane, atëherë zgjidhet shumë lehtë kjo punë…largohet zotëri Kurti, shkon te shpija e këqyr televizor… kaq”, ka thënë Hoxha.