Analisti Ylli Hoxha, në emisionin “Debat Plus” në RTV Dukagjini, ka thënë se Serbia nuk është e interesuar për marrëveshje.
Sipas tij, Serbia vazhdimisht është treguar penguese për t’u arritur një marrëveshje e mundshme mes dy vendeve.
“Bashkimi Evropian mendoj se është ballafaquar me Serbinë, e cila nuk është e interesuar ta plotësojë (Marrëveshjen Bazë), është e interesuar të përdorë pjesë të saj…Serbia është duke thënë qartazi që mund të jetojë edhe pa Bashkimin Evropian. Sot Presidenti i Serbisë në Nju Jork ka deklaruar se nuk e njohin kurrë pavarësinë e Kosovës”, ka thënë Hoxha.
Ai e ka kritikuar edhe BE-në, duke thënë se plani i sekuencimit të Marrëveshjes së Ohrit ka qenë i anshëm.
“Mendoj që sekuesncimi ka qenë i anshëm”, ka thënë tutje ai.