Një këmbësor ka humbur jetën pasi u godit nga vetura në Gjilan.
Viktima ka ndërruar jetë pasi është dërguar në QKUK, vdekjen e të cilit e ka konfirmuar ekipi mjekësor.
Në raportin e përditshëm të policisë bëhet e ditur se i dyshuari në lidhje me aksidentin është dërguar në mbajtje.
“Është arrestuar i dyshuari mashkull kosovar pasi që i njëjti duke drejtuar automjetin dyshohet se nga pakujdesia në vendkalim të këmbësorëve ka goditur këmbësorin viktimë mashkull kosovar të cilit i ka shkaktuar lëndime të rënda trupore. Viktima pasi është dërguar në QKUK ka ndërruar jetë, vdekjen e të cilit e ka konfirmuar ekipi mjekësor. Me vendim të prokurorit, trupi i pajetë është dërguar në IML për obduksion, ndërsa i dyshuari është dërguar në mbajtje”, thuhet në raportin e PK-së.