Pas një video-je të shpërndarë mbrëmë ku disa vajza të mitura rrahnin brutalisht një bashkëmoshatare të tyren në Gjilan, ka reaguar edhe kryetari i kësaj komune.
Alban Hyseni ka dënuar sulmin ndaj të miturës duke e cilësuar si të papranueshëm.
“Një video që po qarkullon nga mbrëmë në media më ka tronditur thellë, jo vetëm mua personalisht, por edhe gjithë qytetarët e Gjilanit dhe Kosovës. Pamjet e dhunës ndaj një të miture janë të papranueshme dhe shqetësuese në çdo formë. Si kryetar i Komunës së Gjilanit, shpreh keqardhjen dhe solidaritetin tim me viktimën dhe familjen e saj, dhe dënoj çdo akt dhune që bie ndesh me vlerat tona njerëzore e shoqërore.”, ka shkruar Hyseni.
Mes të tjerash, ai ka kërkuar që rasti të hetohet nga institucionet.
“U bëj thirrje institucioneve të sigurisë dhe drejtësisë që të veprojnë menjëherë dhe të marrin masat e nevojshme, në mënyrë që të garantohet siguria e çdo fëmije në qytetin tonë.”, ka shkruar Hyseni.