Një serbi i është sekuestruar një armë nga zyrtarë të Policisë së Kosovës.
Sipas raportit 24-orësh të Policisë së Kosovës, arma ishte gjetur pas kontrollimit të veturës së tij me targa serbe.
“Njësiti policor në veturën me targa të Serbisë, pronë e të dyshuarit mashkull serb, ka gjetur dhe sekuestruar një pistoletë pa municion. I dyshuari pas intervistimit në konsultim me prokurorin është liruar në procedurë të rregullt”, thuhet në raportin ditor të PK-së.
Ngjarja ka ndodhur të enjten rreth orës 12:30 në veri të Mitrovicës.