Shefi i Shtabit të Forcave Mbrojtëse Izraelite (IDF), Eyal Zamir, tha se ushtria izraelite “nuk rri duarkryq përballë kërcënimeve në zhvillim”.
Zamir tutje ka thënë se Izraeli është “në mes të një lufte shumëfrontëshe”, duke përmendur një vizitë në Rripin e Gazës, si dhe për të parë vendet në Izrael të goditura nga sulmet iraniane.
“IDF është e përgatitur. Ditë pas dite, liria jonë për të vepruar po zgjerohet, ndërsa ajo e armikut po ngushtohet”, ka thënë ai.
“Ne kemi nisur fushatën më komplekse në historinë tonë për të larguar një kërcënim të një madhësie të tillë, kundër një armiku të tillë, duhet të jemi të gatshëm për një fushatë të zgjatur”, ka deklaruar Zamir.