Kandidati i LDK-së për kryetar të Istogut, Ilir Ferati, ka zhvilluar një takim me Forumin e Gruas në Gurrakoc, ku është pritur me mbështetje të madhe nga anëtaret e forumit dhe qytetaret e kësaj ane.
“Frymëzimi ynë më i madh janë nënat, gratë dhe vajzat e Istogut”, ka theksuar Ferati.
Ai ka shtuar se përkrahja e grave istogase është një shtyllë e rëndësishme e rrugëtimit të përbashkët për zhvillimin e komunës dhe forcimin e LDK-së në çdo cep të saj.
“Në Gurrakoc, bashkë me Shpresën dhe Forumin e Gruas, morëm mbështetje madhështore për rrugëtimin tonë të përbashkët për Istogun e LDK-së”, ka shkruar ai.
Ferati ka shprehur mirënjohje të veçantë për anëtaret e forumit, duke vlerësuar rolin e tyre të vazhdueshëm dhe përkushtimin në fushatën zgjedhore.
“Forumi i Gruas – Gurrakoc, faleminderit nga zemra për mbështetjen e vazhdueshme ✌🏻!”, ka shkrua Ferati.