Imri Ahmeti, kandidat i Lidhjes Demokratike të Kosovës (LDK) për kryetar të Lipjanit, ka zhvilluar një takim me banorët e Bregut të Zi, ku tha se përkrahja e treguar është dëshmi e gatishmërisë për të ecur përpara.
Në një postim në Facebook, Ahmeti vlerësoi mbështetjen e qytetarëve për punën e bërë deri më tani dhe për vizionin e projekteve të qëndrueshme për të ardhmen.
“Mbështetja juaj e qartë për punën e bërë deri tani dhe vizionin për të ardhmen që po e ndërtojmë së bashku është dëshmi e besimit tuaj dhe e përkushtimit tonë të përbashkët. Me këtë energji dhe përkrahje, ecim bashkë drejt fitores së madhe më 12 tetor. Përtej fjalëve, me punë, për Lipjanin! Faleminderit Bregu i Zi!” ka shkruar Ahmeti.