Kandidati i Lidhjes Demokratike të Kosovës (LDK) për kryetar të Lipjanit, Imri Ahmeti, ka deklaruar se mbështetja e qytetarëve të Qylagës është e qartë dhe e pandalshme drejt fitores në zgjedhjet e 12 tetorit.
“Sonte në Qylagë na pritën me mbështetje të jashtëzakonshme. Më të gatshëm se asnjëherë tjetër për fitoren e madhe që po vjen. Ata duan të vazhdojmë së bashku punët konkrete, jo kthimin pas”, ka shkruar Ahmeti në Facebook.
Ai shtoi se me përkushtim dhe bashkëpunim do të vazhdojë vizionin për të ardhmen, duke falënderuar banorët për besimin e dhënë.
“Besimi i qytetarëve është themeli i fitores sonë”, u shpreh kandidati i LDK-së për Lipjan.