“Sonte në aeroportin e Prishtinës e mirëpritëm kryeministrin e Irlandës, Leo Varadkar, në vizitën e parë ndonjëherë të një kryeministri irlandez në Kosovë”.
Kështu njoftoi kryeministri Albin Kurti, gjatë mbrëmjes të së mërkurës.
Por, ai gaboi.
Ndonëse është e vërtetë që Varadkar erdhi sot në Kosovë, ai nuk është kryeministri i parë irlandez që ka vizituar Kosovën.
Në vitin 2008, Brian Cowen, atëbotë kryeministër i Irlandës, vizitoi Kosovën, respektivisht trupat paqeruajtëse irlandeze që po shërbenin në Kosovë.
Po ashtu, Cowen ishte takuar me ish-presidentin Fatmir Sejdiu dhe ish-kryeministrin Hashim Thaçi në Prishtinë.
“TAOISEACH (Kryeministri irlandez) Brian Cowen po zhvillon sot një vizitë para Krishtlindjeve në trupat paqeruajtëse irlandeze në Kosovë. Ai po shoqërohet në udhëtimin njëditor nga ministri i Mbrojtjes Willie O’Dea dhe pjesën më të madhe të ditës do ta kalojnë në selinë irlandeze, Camp Clarke”, shkruante para 16 vjetësh “Irish Independent”.