Ish-Burgu i Prishtinës vend ku UDB-ja i torturonte shqiptarët

Meriman Braha, ish i burgosur politik në vitet e 80-ta rrëfen dhunën dhe torturën fizike e psikologjike që UDB-ja serbe ushtronte mbi shqiptarët e Kosovës. Ai tregon se përkundër që ishin një hap larg vdekjes, asnjëherë nuk e humbën vullnetin dhe dëshirën për Kosovën Republikë

Ilustrim

Kosova Republikë në vitet e 80-ta të kushtonte me rrahje e përdorim të dhunës brutale. Krime që organizoheshin dhe zbatoheshin në qendrën e paraburgimit në Prishtinë. E nëpërmjet një dere të ngushtë të burgosurit transferoheshin në zyrat e UDB-së serbe, vend nga i cili shërbimi sekret serb shqiptarët i nxirrte të gjakosur e pavetëdije.

“Nga kjo derë e kaltër me grilla nuk ka pasur mundësi mos me kalu një i burgosur politikë. Nuk ka pasur mundësi pa kaluar në dorën e dhunshme të instrumenteve të shtetit Serbisë dhe UDB-së”, tregon ish i burgosuri Braha.

Ashtu siç rrëfen Braha, UDB-ja e kishte sallën e veçantë për tortura. Ajo i ngjasonte një salle të operacioneve të kirurgjisë ku i burgosuri torturohej, mbahej i lidhur, rrihej e eksperimentohej me të. I burgosur politik për shkak të pjesëmarrjes në demonstratat e 81-shit, Braha fillimisht ishte mbajtur në vetmi në një qeli.

“Këtu çdo gjë ka qenë e ndytë, i gjithë muri ka qenë me gjakë, ka qenë i lyer me gjakë. Ka qenë një vend që për tre muaj sa kam qëndruar këtu nuk është pastruar”, ky është përshkrimi për vendin ku ai qëndroi gjatë i torturuar.

Meriman Braha, ish i burgosur

Në rreth 10 metra katrorë, qelia shërbente për qëndrim ditor, ushqim, e po ashtu edhe për nevoja fiziologjike. Tre muaj pas kësaj, Braha u transferua në katin e dytë të burgut famëkeq. Pasi u vendos këtu, ai thotë se lejoheshin edhe për dalje nëpër oborr. Braha në këtë vend kaloi mbi një vit në paraburgim, ndërkaq edhe gjashtë vite tjera i kaloi nëpër burgjet nëpër Kosovë.

Një nga burgjet më famëkeq në hapësirat e ish-Jugosllavisë u ndërtua pas Luftës së Dytë Botërore, ndërkaq u mbyll më 2016.  Nga e marta, hapësirat e burgut janë të hapura për vizitorë, si dëshmi ku të burgosurit vuajtën dhunën brutale nga aparati shtetëror i Serbisë.

Shija e redaktorit

Raporti për lirinë e medias vlerësohet alarm për shoqërinë dhe...

Në Ditën Botërore të Lirisë së Shtypit vendi ynë shënoi rënie për 19 vende në indeksin e lirisë së medieve nga “Reporterët Pa Kufij”....

Dorëzimi i donacionit PET-CT, Osmani takon sekretaren e organizatës Alwaleed...

Presidentja e Kosovës, Vjosa Osmani, i ka uruar mirëseardhje në Republikën e Kosovës, Princeshës Lamia Bint Majed Saud Alsaud, Sekretare e Përgjithshme e Alwaleed...

Zgjidhet ushtari më i mirë për vitin 2024

Këtë të premte është mbajtur ceremonia përmbyllëse e garës ndërkombëtare “Ushtari më i mirë 2024”, në Kazermën “Skënderbeu” në Komunën e Ferizajt. Tashmë janë shpallur...

Të fundit nga rubrika