Ish-kryetari i Lëvizjes Popullore së Kosovës (LPK), Bedri Islami, në “Debat Plus” ka thënë se në fund të korrikut të vitit 1993 është marrë vendimi politik në mbledhjen e katërt të përgjithshme të Fatmir Brajshorit për krijimin e Ushtrisë Çlirimtare të Kosovës.
“Njeriu kryesor që caktohet për formimin e UÇK-së është Xhavit Haziri. Një vit më vonë, më 17 nëntor 1994, kryesia e organizatës jashtë vendit vendos që emërtimi të jetë Ushtria Çlirimtare e Kosovës”, ka thënë Islami.
Islami ka thënë se propozimi ishte nga Xhavit Haliti, është miratuar nga kryesia, por që në tërësi kishte shumë propozime.
Ai rrëfen se llogoja e UÇK-së është krijuar shumë më vonë.
“Autori i llogës është Adnan Asllani, ai është vendosur në kryesi që të krijohet llogoja e Ushtrisë Çlirimtare të Kosovës. Llogon e ka bërë në 18 forma të ndryshme dhe është miratuar kjo që është sot”, ka thënë tutje ish-kreu i LPK-së.